|
|
Героі вядомыя і невядомыя
Любаншчына — невялікі, шматпакутны, гераічны кавалачак
беларускай зямлі... Колькі лепшых сваіх сыноў страціла яна ў
гады мінулай вайны! Прайшло больш паўстагоддзя, а боль па
загінуўшых не праходзіць і сёння.
Па праву ганарыцца Любаншчына сваімі славутымі
землякамі-героямі, тымі, хто адзначаны высокімі ўрадавымі
ўзнагародамі. А колькі невядомых герояў аддалі сваё жыццё за
незалежнасць Радзімы... 380 прозвішчаў на помніку землякам,
загінуўшым ў гады Вялікай Айчыннай вайны, у в. Таль, 255 — у
Загаллі, 206 — у Рэдкавічах, 231 — у Рачэні, 189 —у Пластку, 171
— у Малых Гарадзяцічах... Нехта з іх зрабіў менш, нехта ўнёс
больш значны уклад у Вялікую Перамогу — усіх параўняла небыццё.
Усюды, дзе смерць збірала сваю крыва вуюданіну — на фронце і ў
тыле, у партызанскіх атрадах і ў шпіталях — яны, невядомыя героі,
не вагаючыся, ішлі ў бой супраць ненавіснага ворага і складалі
галаву на алтар Перамогі.
Кажуць, щто «на міру і смерць красна»... Аддаючы даніну
павагі тым, хто змагаўся і гінуў у адкрытай барацьбе, асабліва
трэба нізка схіліць галаву перад светлай памяццю тых, хто не
скарыўся перад фашысцкай навалай у самыя змрочныя часы, у
пачатку вайны, калі на небасхіле не ззяла ні водная зорка, і ноч,
здавалася, анусцілася на заўсёды. Але пераважная большасць
любанцаў не упала духам, не скарылася ворагу — М. Гурскі, Г.
Гідрановіч, П. Беразун, У. Лукоўскі, Зіна Марзон і Кандрат
Каўпакоў, Андрэй Труцікаў, А. Насановіч, юныя патрыёты Баляслаў
Куркевіч і Уладзімір Раменчык...
...Шматпакутнаму беларускаму народу давялося перажыць
не адну, не толькі Вялікую Айчынную вайну. У савецка-фінляндскай
і грамадзянскай, першай сусветнай і японскай, у многіх іншых
вялікіх і малых, справядлівых і захопніцкіх войнах, безумоўна,
прымалі ўдзел любанцы. Дзе цяпер іх магілы, якія ветры веюць над
іх прахам?.. Схілім галовы перад памяццю невядомых герояў,
забытых і бязвесных, якія не шкадавалі жыцця, каб над
Любаншчынай, як і раней, ззяла сонца, расцвіталі новыя вёсны...
В. Р. Феранц
да зместу |
|
