|
|
Мужна змагаўся
Перамога... Доўгія і цяжкія чатыры гады ішлі да яе нашы дзяды і
прадзеды. I нават праз столькі гадоў тыя, хто застаўся жывы, з
неахвотай успамінаюць кровапралітны час. Нешматслоўна расказвае пра
вайну і Іван Аляксандравіч Трубчык з вёскі Калінаўка.
Будучы партызанам атрада імя Гарбачова брыгады імя
Панамарэнкі, не раз даводзілася яму рызыкаваць жыццём. Хадзіў з
сябрамі ў разведку, рабіў засады, каб не даць ворагу захапіць родны
край.
Пасля вызвалення Беларусі, у чым Іван Аляксандравіч
таксама прымаў непасрэдны ўдзел, яго ваенны шлях прадоўжыўся. Ен
змагаўся з гітлераўцамі ўжо ў саставе 197 армейскага запаснога
стралковага палка, пасля -293 гвардзейскага стралковага.
"Мы не скарыліся фашыстам, выстаялі пад іх страшным
націскам. А ўсё таму, што былі згуртаваныя, аб'яднаныя адной
галоўнай мэтай - стаяць да апошняга, але незалежнасць краіны
адстаяць", — гаворыць ветэран, якому сёлета споўніцца ўжо 85 гадоў.
За гэты час І.А.Трубчык зрабіў шмат такога, што, безумоўна,
застанецца ў людской памяці. Ен мужна змагаўся з ворагам. Пра гэта
сведчаць яго шматлікія ўзнагароды. А пасля праявіў сябе і ў мірнай
стваральнай працы. Аднаўляў разбураныя ворагам калгасныя аб'екты,
дамы, шчыраваў на карысць гаспадаркі.
Голас
Любаншчыны. - 2009 №101
Да зместу |
|
