|
|
3 ПАСТАНОВЫ 1-й КАНФЕРЭНЦЫІ КАЛГАСНІКАЎ
ЛЮБАНСКАГА РАЁНА АБ ХОДЗЕ КАЛЕКТЫВІЗАЦЫІ
1 снежня 1929 г.
Заслухаўшы даклад т. Фаменка аб выніках лістападаўскага
Пленума ЦК ВКП(б) і садаклад т. Гузава аб калектывізацыі раёна і
практычных задачах у сувязі з вясенняй пасяўной кампаніяй,
раённая канферэнцыя калгаснікаў Любаншчыны адзначае:
...2. Шырокі калгасны рух, які пачаўся ўвесну, набыў
масавы характар у вясеннюю пасяўную кампанію 1929 г. Стварыліся
буйныя калгасы, якія аб'ядноўваюць не толькі асобныя гаспадаркі
(Таль, Кузьмічы), а нават цэлыя вёскі (Яменск, Асавец), у якіх
цалкам абагульняюцца плошчы зямлі.
3. Вынікам рашучага пералому ў справе калектывізацыі
сельскай гаспадаркі нашага раёна з'яўляецца апярэджанне тэмпу,
вызначанага планамі (вызначана на 1928 — 1929 гг. арганізаваць 5
калгасаў, арганізаваны 1, аформлена 10 і маюцца заявы аб
арганізацыі ад 15 вёсак).
4. Паспяховаму калгаснаму будаўніцтву і актыўнасці
батрацка-бядняцка-серадняцкіх мас аказваюць шалёнае
супраціўленне кулацка-капіталістычныя элементы, якія свае
мерапрыемствы накіроўваюць супраць мерапрыемстваў партыі і
Саветаў праз паслабленне і разбурэнне калгаснага руху, ужыванне
пагроз (Кузьмічы), подкуп (Яменск — мёд, яблыкі), тэрор (Трайчаны,
Чабусы) і іншае, што пры скажэнні класавай лініі асобнымі
праціўнікамі вёскі і няўважлівых адносінах да калгасаў пагражала
распадам некаторых арганізаваных калгасаў (Таль, Кузьмічы).
Гэтыя факты патрабуюць ад ўсіх працаўнікоў вёскі прыняцця самых
рашучых мер да адпору кулацкім элементам і ўсямернай дапамогі
калгасам у іх класавай барацьбе з кулаком...
Канферэнцыя калгаснікаў у Любаншчыне пастанавіла:
1. План калектывізацыі раёна на 1929— 1930 гг. па арганізацыі
34 калгасаў з лікам двароў 3 тыс. на плошчы 44 тыс. га адобрыць...
Адначасова канферэнцыя калгаснікаў ухваляе прынцып правядзення
Месячніка калектывізацыі па раёну ў студзені і лютым 1930 г.,
які з'явіцца вялікім штуршком па ўзбуйненню існуючых і па
арганізацыі новых калгасаў.
4. 3 мэтай шпарчэйшага замацавання калгасаў прасіць РВК
паставіць пытанне перад належнымі органамі і прыняць меры на
месцы, каб усе сілы і сродкі, у тым ліку і лес, былі накіраваны
ў першую чаргу і ў дастатковай колькасці па лініі калгасаў...
5. Прасіць прэзідыум РВК прыняць адпаведныя меры ў
сэнсе забароны продажу прадукцыйнай рагатай жывёлы ў раёнах
масавай калектывізацыі, а таксама арганізаваць збор попелу з тым,
каб кожны двор за зімовы час сабраў не менш 3 — 4 ц попелу з
кожнай печы...
6. За зімовы час утварыць ацэнку маёмасці
калгаснікаў і да вясны абагуліць у першую чаргу жывёлу, корм
жывёлы, насенны матэрыял, сельскагаспадарчыя машыны, прылады і
будынкі.
7. Прасіць прэзідыум РВК арганізаваць культмасавае
абслугоўванне калгасаў шляхам арганізацыі хат-чытальняў і
чырвоных куткоў, ясляў, дзіцячых пляцовак, кіноперасовак,
арганізаваць масавае культшэфства над калгасамі і наладзіць
выезд шэфаў у калгас.
8. Канфэренцыя канстатуе, што кулак імкнецца ў калгас з
мэтай разбурэння калгаса знутры, катэгарычна выказваецца за
недапушчэнне ў калгас як самага сапраўднага кулака, так і яго
выскачкаў — членаў сям'і і яго агентаў, высвятляючы твар апошніх
і даючы рашучы адпор...
Старшыня сходу раённай канферэнцыі Купрэева
Сакратар Касіневіч
НА Беларусі, ф. 349, воп. 2, с. 31, л. 20.
Да зместу |
|
