Востраў Зыслаў
Песня
Сл. С. Квіткевіча Муз. М. Шагава
Шамацяць бесклапотна сасонкі,
Дуб калыша сівой барадой.
Мы гісторыі слаўнай старонкі
Перагорнем яшчэ раз з табой.
Тут калісьці даўно партызаны
Баранілі ад ворагаў край.
3 той бядою навекі звязаны
Пераможны і радасны май.
Прыпеў:
Востраў Зыслаў,
Востраў Зыслаў,
Востраў вернасці святой.
Востраў Зыслаў,
Востраў Зыслаў,
Ты апалены вайной.
Тут былі спаконвечна балоты:
Прападзеш — і не знойдуць сляды,
Ды з "вялікай зямлі" самалёты
Прыляталі начамі сюды.
Тут штодзённа мацнеў "Кліч Радзімы
Тут мужнеў дзёрскі голас "Звязды".
I ўтрывожныя леты ды зімы
Тут свабода лунала заўжды.
Прыпеў.
Партызанскай сцяжынаю рушым
I сям-там бачым мы напамін:
Тут калісьці закладвала вушы
Ад разрываў снарадаў і мін.
Колькі тых, хто не прыйдзе ніколі
Да каханых і родных сваіх...
I застылі, бы варта, таполі
Над магіламі ціхімі іх.
